फुटबॉल क्षेत्रातील योगदानाबद्दल सन्मान
डोंबिवली | प्रतिनिधी :
कल्याण-डोंबिवली युवा फुटबॉल कोच लेस्टर पीटर यांना फुटबॉल क्षेत्रातील उल्लेखनीय योगदानाबद्दल केंद्रीय मंत्री रामदास आठवले यांच्या हस्ते गौरव करण्यात आला आहे. कल्याण-डोंबिवली भागामध्ये फुटबॉल खेळाचा प्रसार व विकास घडवून आणण्यात लेस्टर पीटर यांचे योगदान अत्यंत महत्त्वाचे आहे.
शालेय स्तरावर फुटबॉलचा प्रसार करण्यासाठी त्यांनी नेहमीच सक्रिय भूमिका बजावली आहे. फुटबॉल प्रशिक्षण शिबिरे, टीमवर्कची जाणीव आणि क्रीडा संस्कार यांचा समावेश असलेले उपक्रम राबवून अनेक विद्यार्थ्यांना प्रोत्साहन दिले आहे.
त्यांच्या प्रयत्नांमुळे अनेक खेळाडूंनी विविध स्तरावर उल्लेखनीय कामगिरी केली असून, डोंबिवली परिसरातील फुटबॉल संस्कृतीला नवा आयाम मिळाला आहे.
मुंबईसह इतर ठिकाणीही फुटबॉलविषयक मार्गदर्शन, शिबिरे आणि सामाजिक उपक्रम यांद्वारे लेस्टर पीटर यांनी अनेक तरुणांना दिशा दिली आहे.
केंद्रीय सामाजिक न्याय मंत्री रामदास आठवले यांनी त्यांच्या या कार्याचा गौरव “National Economic Development and Social Responsibilities – Aatmanirbhar Bharat 2022” या कार्यक्रमात दिला.
समारंभात समाजातील विविध क्षेत्रांतील उल्लेखनीय कार्य करणाऱ्या व्यक्तींना सन्मानित करण्यात आले. या प्रसंगी अनेक मान्यवर उपस्थित होते.
लेस्टर पीटर यांनी हा सन्मान आपल्या सर्व सहकाऱ्यांना आणि विद्यार्थ्यांना समर्पित केला असून, “ही प्रेरणा मला आणखी कार्य करण्यासाठी बळ देते,” असे त्यांनी नमूद केले.
🗓️ Published Date: December 23, 2022
📰 Source: Pudhari (newspaper.pudhari.co.in)
📍 Location: Dombivli
